ميرنا ملوحي : لايوجد في سوريا مقومات فنية لانجاح الفنان الشاب

ميرنا ملوحي : لايوجد في سوريا مقومات فنية لانجاح الفنان الشاب

- ‎فيأخبار الفن

فنانة لديها الموهبة والشغف والابداع في العالم العربي فان مواهب اليوم هم نجوم المستقبل التي تعتبر من ارقى الاصوات السورية يسعدني ان ارحب في هذا اللقاء الفنانة المتالقة والرائعة ميرنا ملوحي

مرحبا انسة ميرنا شكرا لحضورك هذا اللقاء بدايتا ممكن تعرفينا عن حضرتك

اول شي شكرا اليك هادي على هل المقدمة الرائعة اسمي ميرنا ملوحي
دراسة ادب انكليزي وتخرجت من العشر الاوائل بالجامعة وكنت الاولى على مستوى القطر بالشهادة الثانوية

انسة ميرنا خبرينا كيف كانت بدايتك بمجال الفن ؟

كانت بدايتي بالفن ب2014 كان في فرق اسما طرب دهب عبارة عن اربعة مطربين ومطربات كانت تعمل حفلات هي عبارة موشحات وكل فنان يقدم شي لحالو (افرادي) واخدت دروس غناء شرقي باشراف الاستاذ باسل صالح

التشجيع من قبل الاخرين بيعطي للانسان الموهوب ارادة واصرار اكبر لحتى يحقق حلمو او طموحو مين يلي كان يشجعك ويوقف معك لتوصلي لحلمك ؟

التشجيع اكيد بيعطي الانسان دافع ليوصل لحلمو يلي كان يشجعني هي ماما واخواتي بس خصوصا ماما لانو بضل حدي دايما

انسة ميرنا ماهي الصعوبات التي واجهتك كفنانة في مسيرتك الفنية ؟

واجهتني صعوبات متل اي فنان شركات انتاج ما عنا بسوريا بتتمنى فنانين مافي ادارة اعمال مافي قنوات فضائية بتاخد اغاني يلي بنطرحها

هل الفن عمل فجوة او انقلاب في حياة الفنانة ميرنا ؟

هلا الفن ما بيعمل فجوة بحياة الفنان وهو بيكون اما للاحسن ويا بيكون حسب اختياروا للنمط يلي عم يشتغل عليه من ناحيتي بشتغل بالفن فني هو الملتزم بالاغاني الطربية والكلاسيكية ما بغني اغاني ما بترضيني دايما بهتم باللحن والتوزيع والكلمات ونوع الاغاني

ماهي اعمالك انسة ميرنا ؟

اعمالي الموجودة هيي ديو مع فنان اردني دخلك شو بحبك هدول رصيدي بالاغاني اغنية بردى او الشام ما بتموت
كلام :اياد قهوج توزيع :بشار ضوجي
لحن :كابي صهيون
اغنية مهما تاخرنا كلام ولحن :سمير كويفاتي
اغنية للسيدة الاولى ياسمينة الشام الاولى كلام :كمال خيربك توزيع :هشام بنداقجي
لحن:شادي جاورو
امل الاعمال يلي قدمتها كمهرجأنات واوبرتات اوبريت دم حبر حق مع المايسترو طاهر ماملي
وشاركت بعرس جماعي مع سيرتيل حكاية نصر للجيش العربي السوري
وكمان شاركت بشارات مسلسلات شارة مسلسل فرصة اخيرة مع الفنان ادم
ومسلسل هاورن الرشيد الي اغاني فيه بالفصحة

ما هو الجديد في اعمالك انسة ميرنا ؟

هلا عم حضر اغنية تاخرنا فيا بسبب فيروس كورونا كلام :رامي كوسا
توزيع :طارق سكيكار
لحن :كابي صهيون
خلص التوزيع وعم تسجل حاليا بس بقى حط صوتي عليها

ماهي التكريمأت التي منحتك ياها الدول العربية وبسوريا بحفلاتك الفنية ؟

التكريمات من الدول العربية كان تكريم من مصر كنت مشاركة معون بلقاء بخيمة رمضان اون لاين عطوني تكريم مشكورين عليه اكيد وتكريمات يلي اخدتا هون بسوريا كتيرة لاني شاركت بعدة فعاليات وعطوني تكريمات من عدة جهات مشكورين عليها اكيد

ماهي الشخصيات الفنية التي لا تنتسى في ذاكرة الفنانة ميرنا ؟

الشخصيات يلي مافيي انساها من الشخصيات الفنية هي الفنانة وردة الجزائراية بحبا وكتير زعلت عليها بس توفت الفنانة وردة بعشق صوتا واغانيا كفانة متكاملة الله يرحما

كتير منشوف فنانين مطربين خاضوا تجارب في المجال الدرامي و الاعلامي ما رايك ؟

مو غلط الفنان يشارك اذا بيفضلو بشي اذا هو قادر يخوض مجال الدراما برضيلو لعم يفكر فيه بالمستقبل ويفضل يكون الدور يلي اختاور يكون بمجالو كغناء مو غلط اذأ بيضيف شي جديد بحياتو هلا المجأل الاعلامي ما بعرف اذأ كتير فكرة منيحة اصلا في اعلاميين كتار عنا وفي منن مميزين فما لازم حدا ياخد فرصتون هنن عم يدرسوا ليشتغلو فا اكيد يفضل اعلاميين لا ممثليين ولا مغنيين وهلا ممكن تصير اكيد في منا حالات كتيرة وهي حالة صحيحة لانو الناس بتابعوا البرنامج يلي بيكون فيه الفنان يلي بيحبوه

هل سنرى الفنانة ميرنا في المجال الدرامي تخوض التجربة مستقبلا ؟

هلا خوض الدراما كتير انعرض عليي قبل بس مترددة اذأ لقيت دور يخدم ميرنا كمغنية وحسيت حالي لازم كون فيه فاكيد مو غلط ابدا مو مسكرة عالموضوع

انسة ميرنا بختام لقاءنا مافيني غير اشكرك واشكر حضورك الرائع وكنت سعيد معك بهذا اللقاء المملوء بالروح المتواضعة شو بتحبي توجهي كلمة اخيرة لمحبينك ومتابعينك عبر منصة خبر عاجل

بتمنالكون التوفيق والنجاح عطول من كل قلبي وتحبو كلشي بقدمو شكرا كتير لكل حدا عم يتابعني وبيسمع اغانيي وشكرا كتير إلك هادي على هاد اللقاء الرائع
ومنصة خبر عاجل بتمنالك التوفيق والنجاح بحياتك ❤️

مني انا هادي شكرا لكل حدا تابع
هاد اللقاء وعجبو
الى اللقاء مع نجم جديد ولقاء جديد

اعداد وتقديم :هادي يوسف

شاهد أيضاً

سميحة الإبراهيمي من المغرب تتوّج ملكة جمال Miss Tourism Universe Arab 2020

سميحة الإبراهيمي من المغرب تتوّج ملكة جمال Miss