خاص : دايان أبي علام لموقع خبر عاجل : اتمنى ان أمثل مع قصي خولي في دور بطولة

خاص : دايان أبي علام لموقع خبر عاجل : اتمنى ان أمثل مع قصي خولي في دور بطولة

- ‎فيأخبار الفن, مواضيع هامة

دايان أبي علام : اتمنى ان أمثل مع قصي خولي في دور بطولة

فنانة لبنانية تتمتع بموهبة حقيقية من الدرجة الأولى ،لديها الطموح والإبداع، يحبها ويتأثر بها كل من يعرفها أو يتابعها عبر شاشات تي في
تعمل وتشارك في كل المجالات والمسابقات لتكون نجمة من بين نجوم العالم بيسعدني وبيشرفني أن أرحب في هذا اللقاء الفنانة الرائعة دايان أبي علام

 

مرحبا انسة دايان نورتينا في خبر عاجل بداية هلأ أنت دارسة الشؤون الدولية وحاليا عم تدرسي ماجسيتر إعلام ماهو السبب لحتى اتجهتي الى عالم الأضواء والشهرة ؟
اول شي مرحبا وشكرا اليك على هل المقدمة الحلوة هلا انا درست شؤون الدولية لحتى اتجه إلى مجال حقوق الإنسان انا بشتغل مدربة بحقوق الانسان بدرب على حل النزاعات بالطرق السلمية والعيش المشترك وبناء السلام وفن القيادة بنفس الوقت اتجهت على الإعلام ليكون الي برنامج قدمو وفتت بعالم التمثيل لأني أنا بحبو تلاتتن بحبون ودرست التمثيل مو بالجامعة عم اخد دورس عند استاذ يومين بالاسبوع بحب اجمع بين الاتنين بحب استعمل اسمي لحتى انشر رسالة ايلا علاقة ببناء السلام بيدعمو البعض المجالين مجال حقوق الإنسان ومجال التمثيل لأنو التمثيل هو رسالة منقدر نستعملو لنوصل رسالة للناس

كيف كانت بدايتك في عالم الأضواء والشهرة ؟

بدايتي بعالم الاضواء كانت بعرض الأزياء في الجامعة وصرت صور دعايات وأتعرف على مخرجين وبلشت التمثيل جنب الجامعة وبلشت فوت بالمجال شوي شوي لهلأ صرت عاملة عملين الباشا مشاركة بالبطولة وهند خانم كمان مشاركة بالبطولة مع مروى غروب

طموحك تكوني مقدمة بإحدى البرامج على وسائل الإعلام كيف كانت تجربتك من خلال مشاركتك ببرنامج “أربت تنحل “؟

كانت تجربة حلوة ومهضومة هو كان تي في شو كوميدي بفضل ما نحكي عليه كتير لانو هو مابيفدني كتير بالدراما لانو الإطار يلي كنت فيه قبل غير الإطار يلي فيه هلأ

مين بيضل بيدعمك وبيوقف جنبك لحتى توصلي لهدفك او طموحك؟

هنن أهلي بيدعموني و بيوقفوا معي بكلشي الله يخليلي ياهن وبقلهن ميرسي كتير

 

بعام 2015 حققتي ملكة جمال صيف لبنان وبعدا مثلتي بلدك بمسابقة ملكة جمال القارات لعام 2016 احكلينا عن مشاركتك بهي المسابقة ؟

صح بعام 2016 مثلت بلدي بمسابقة ملكة جمال القارات بسيرلانكا بعد ما ربحت ملكة جمال صيف لبنان تجربة حلوة ومميزة بمنافسة 80 دولة بلعالم وأضافت لي الثقة بنفسي اكتر وأكيد إلي الشرف أنو مثل بلدي برا

 

ماهي الصعوبات التي مررتي بها كفنانة ؟

الصعوبات هي كتيرة التصوير بدو تضحية بالوقت الصعوبات هي انا شخصيا انو أقدر وفق بين عالم التصوير والتمثيل وعالم حقوق الإنسان لأنو المجالين بدهن شغل كتير بس أنا مصرة أنو وفق بين المجالين

السينما هي هدف الممثل والاختبار الأصعب له الفنانة دايان ابي علام شو بتحب تخبرنا عن مشاركتا بالسينما في الامارات ؟

السينما هو أنا ولا مرة مثلت بعد عمل سينمائي أكيد هو أحد أهدافي وأنا إذا اجت فرصة مناسبة لإلي بالامارات ما عندي مشكلة بروح

 

ماهي الشخصيات التي لا تنتسى في ذاكرة دايان ابي علام ؟

الشخصيات يلي ما بقدر أنساها هو الاستاذ رشيد عساف في مسلسل الباشا هو مدرسة بالتمثيل عنجد ترك انطباع و أثر فيي كتير حلو وهو الشخص يلي ما بنساه

 

من هو الممثل التي تحب دايان ان تكون معه في بطولة مسلسل : تيم حسن ، قصي خولي ، يوسف الخال؟

تلاتتن بحب امثل معهن لانو كل حدا عندو شي بيتميز عن التاني وبحب امثل مع كل حدا بعمل درامي ما رح اختار حدا منن

اكيد انا بوجهلن تحية للنجوم التلاتة عبر منصة خبر عاجل بس اذا فرضوا عليكي انو تختاري واحد تمثلي معو دور بطولة تيم حسن ، قصي خولي ، يوسف الخال ، مين بتخاري من بيناتهن ؟

سؤالك صعب يا هادي تلاتتن بحب مثل معهن بس قصي خولي بحب أمثل امثل معو في دور بطولة لانو بيلفتني بتشديدو لأدئو للشخصيات يلي بيلعبا كل شخصية بتكون مختلفة عن التانية فأنا بحس أنو حلم مثل مع قصي خولي

 

كتير عم نشوف اعلاميين عم يخوضوا تجارب في المجال الدراما ما هو رأيك ؟

اي مش غلط انو الإنسان يعمل اكتر من شغلة ليش بدنا نحجز الانسان بمكان واحد إذا هو قدران يعمل هل الشي هي أنا بشتغل بمجال حقوق الإنسان ومجال التمثيل ليش لحتى احجز حالي بمكان واحد اذا فيني اعمل اكون اكتر من أنا برأئي تحديد انسان بمكان واحد بعمل واحد غلط وخصوصا اذا عندو الموهبة بل مجالين

 

ماهو اكثر دور أثر في شخصية الفنانة دايان من اعمالها الفنية ؟

اكتر دور أثر بشخصيتي هو دور علا بمسلسل هند خانم لأنو عم يحكي عن واقع مجتمع شخصية علا
أثرت فيي لأنو ابدا ما ببتشبه شخصيتي بحياتي الطبيعية حتى أهلي واصدقائي انصدموا من شخصيتي بالمسلسل شخصية علا بتكون عندا عقد نفسية ما عاشت طفولة سعيدة بتحب شب اسمو عامر ما بيادلا بالمشاعر والحب وبتوصل رسالة أنو ما لازم حدا يربط سعادة حياتو بإنسان لانو اذا ربط سعادة حياتو بحدا دمرت حياتو وبيصير كلو عقد نفسية

شو بتحكلينا عن الأصداء الايجابية وتفاعل الجمهور مع شخصيتك “علا” في مسلسل “هند خانم “؟

الأصداء كان كتير شي أيجابي صراحة الناس يلي حواليي عن شخصية علا وأصداء المسلسل كتير حلو وخصوصا الناس عم تحب قصة العمل وقصةشخصية علا مع انو كتير مستفزة بس الحلو انو عم تعلم

ماهو الجديد في اعمالك الفنية انسة دايان ؟

هلا في شي جديد بس مو على الأكيد
بفضل ما أعلن عنو هلا لانو لساتنا عم نتشاور

إذا اجتك فرصة طموحك للتقديم برنامج على إحدى وسائل الاعلام بس كان في شرط انو تبعدي عن مجال الدراما يا ترى بتوافقي أو بترفضي أنسة دايان ؟

انا هون بحب قلك انو بدي شوف شو هي الفرصة يلي رح تجيني اديه مهمةاديه اهمية البرنامج يلي عم قدمو والمحطة يلي عم قدم من خلالا اديه عندا جمهور
انا بلنهاية بدي ادرس كل الفرص يلي عم تجيني وشوف شو هو مناسبني اكتر انا بفضل اكون بل مجالين وكل ما قدر الإنسان يكون بالاكتر من مجال بيكون احسن

بالختام لقاءنا مافيني غير اتشكرك واتشكر حضورك الرائع والمميز وكنت سعيد معك بهل اللقاء المملوء بالروح المتواضعة شو بتحبي توجهي كلمة أخيرة لمحبينك ومتابعيتك عبر منصة خبر عاجل

بحب قلهن انو ينتبهوا عحالن اكتر بفترة الحجر لان ما بقى تتحمل المشافي اكتر فالازم نحنا نتحمل المسؤولية لانو مسؤولية الوطن بتبلش بكل حدا فينا اخر الدراسات بينت انو الوفاة بتجي من ورا الجنيات جنيات العيلة مش اذا حدى معو مرض بيتوفى هي وراثة المناعة ضد كورونا في ايلا علاقة بالوراثة يعني وراثية بتمنى من الناس انو نضل إيد وحدة لنقدر نتخطى هيدا الوباء
وميرسي كتير الك هادي على اللقاء الحلو

واكيد متل ما حكيتي انو لازم نضل ايد وحدة لانو هاد الوباء مش عم يستهدف فئة معينة عم يقضي على البشرية جمعاء فا يا رب الله يحمي الجميع ونخلص منو باقرب وقت و نكون إيد وحدة

مني أنا هادي ومن كامل أسرة خبر عاجل بتمنالك كل التوفيق والتألق بحياتك و بشكر كل حدا تابع هيدا اللقاء وعجبو

إلى اللقاء
إعداد وتقديم :هادي يوسف

 

شاهد أيضاً

سيف نبيل “قوي قوي” … يغني، يرقص ويبدع!

سيف نبيل “قوي قوي” … يغني، يرقص ويبدع!