حصرياً : شو صار مبارح بمطعم كاريزما ؟!! نانسي نصر الله وإيان كانو السبب !

حصرياً : شو صار مبارح بمطعم كاريزما ؟!! نانسي نصر الله وإيان كانو السبب !

- ‎فيأخبار الفن

حبيت أكتب بالعامية لانو اكيد الاحساس بيوصل بصدق اكتر وبدون أي عملية تجميل أو مجاملة ، مبارح الاربعاء لبينا دعوة النجمة نانسي نصر الله لنحتفل بإطلاق اغنية وكليب ” نسينا “ و اللي كانت بعيدة كل البعد عن التكلّف ، إتصلت فيني وبكل زميل ، هي شخصياً وان دلّ هيدا الشي بدل على اخلاقها الكبيرة واحترامها للاعلاميين ، توجهنا الى مطعم كاريزما وسط بيروت ، هل مطعم المرتب ومعروف بكرم الضيافة واللي بقدم برنامج فنّي مميز مع نجوم مميزين وراقيين ، والتقينا بنانسي على الباب عم تستقبل ضيوفها بكل حب وشغف وابتسامة زمان ما شفناها على وجه فنان بسبب تأثرو بالاوضاع اللي عم بعيشها لبنان ان كان على صعيد كورونا او الصعيد الاقتصادي الخ ..

مبارح كانت الجمعة حلوة كتير ، افتقدنالها من زمان ، والجمعة مع نانسي المتألقة دائماً وإيان كان الها طعم مختلف ، لأنو كان في رسالة سامية وحلوة من النجمين ، رسالة اجتماعية توعوية ، على امل كل الاعلام يضوي عليها لانها تستحق الاهتمام ، وعلى امل شاشات التلفزة تعرض الكليب مجاناً وما تدخل بموضوع التجارة لانو الاغنية منها تجارية ، هي رسالة اجتماعية انسانية بتجسد حال مجتمعنا خاصة بهيدي الظروف العصيبة … نانسي نصر الله المحبة الطيبة الانسانة الخلوقة حسستنا انو نحنا عندها بالبيت ، من خلال تصرفها واهتمامها والطاقة الايجابية اللي وزعتها على كل الحضور ، خلال اللقاء معها عبر خبر عاجل اعترفت نانسي نصر الله انها تأثرت كتير بالغنية وكشف انو وصلت لمرحلة مع زوجها بتحصل بين أي زوجين ، نانسي  سعيدة بهيدا العمل عبرت اكتر عن سعادتها لانها قدرت توصل رسالة مهمة ، وايان كمان حكي كتير عن العمل وقال انو كان الو شرف التعاون مع نانسي ، ما حطول عليكن بمختصر مفيد نرفع القبعة لنانسي وايان ورواد العمل ، ولفتني حضورها المتواضع على المسرح من بعد ما طلبت منها زميلتها الفنانة ماريا سركيس تشاركها الغناء ، كانت لفتة حلوة من ماريا اللي باركتلها على العمل وتواضع من قبل الطرفين ، يا هيك الزمالة بالفن يا بلا … حضروا الفيديو بتعرفو كل التفاصيل …

من اسرة خبر عاجل الف مبروك للنجمين نانسي وايان على امل ان يتجدد التعاون بعمل فنيّ بحت ..

 

 

 

 

‎إضافة تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

شاهد أيضاً

مرعي سرحان يذهل هشام حداد ويزلزل ستديوهات لهون وبس

خبر: وسيم عليا من لبنان انطلق وغنّى ليصدح