عدو من قبائل الجان.. بقلم “أحمد زهرى”

عدو من قبائل الجان.. بقلم “أحمد زهرى”

- ‎فيمتفرقات, مواضيع هامة

بقلم/ أحمد زهرى

 

 

 

 

الساعه تدق الآن تمام  ٨:٤٥ م من آخر يوم في ٢٠١٨ سنة حلوة جدا عدت عليا وانا من أسعد الاشخاص بهذا العام ،ابتديت أجهز بقا المسجات اللي هبعتها لأصحابي وحبايبي اللي واحشني اللي انا مشفتهمش بقالي كتير واهى بالمرة تخليني أطمن عليهم.

اها نسيت أعرفكم بنفسي احم احم أنا أحمد عندي ٢١سنة من المنصوره وقاعد في القاهرة  بسبب الكلية بتاعتي، وقاعد لوحدي في شقة تتكون من ثلاث غرف ومطبخ وحمام شقة يجري فيها الخيل، المهم عشان مطولش عليكم، انا من عشاق الهكرز والروابط الملغمه يمكن دي الحاجه الوحيده اللي حبيتني في ٢٠١٨ اني اتعلمت أكتر وأكتر عن الهكر لحد مابقيت أقدر أقول على نفسي (بيرفيكت ) هههه.

بعد ماجهزت الماسچ اللي هبعتها لحبايبي قولت مفيش مانع إنى ألعب معاهم لعبة صغيرة النهاردة بمناسبه رأس السنه وأبعتلهم رابط هكر مع الماسچ واخد من كل واحد صورة مهمة من اللي بتكون مستخبية في الخزنه دي وافاجئه بيها الساعه ١٢:٠٠ ههههه وعملتها وبعت الماسجات كلها بس كان في رقم لواحد صحبي اسمه مجدي بس مجدي دا انا مشفتوش بقالي سنين تقريبا كدا من بعد الاعدادية.

الغريبة انى اول مره اخد بالي ان رقمه عليه واتس ففتحت الصوره عشان اشوفها لقيت صورته ووراه خلفيه دم منتشر ع الجدار وهوبيضحك اها نسيت أقولكم إن صحبي دا كان من عشاق الرعب وكدا وانه كان نفسه اوى من واحنا صغيرين انه يشوف جن ويكلمه.

المهم بعتله المسج وخلاص وبعتله اللينك وبعت لصحابي وحبايبي بس اللي شدني انه رد بعدها بثواني معدودة فقولت اطمن عليه وكدا واهو بالمره اساله ع الصورة اللي هو عاملها دي عشان لو كدا اخليه يعملي واحده زيها فوتوشوب  وابتدا الشات مابنا سلامات وكلمات كتير قولت لما اشغل اللاب اشوفه فتح اللينك ولا لسه ولقيته فتح اللينك دخلت ع الواتس اب ملقتش غير الشات بتاعى انا بس.

 قولت عادي مش مشكله ممكن بيمسح المحادثات باستمرار  فتحت ماسنجر ملقتش حاجه قولت يبقا اكيد بيفتح واتس بس  هوا كدا شكله حريص أوي وهيغلبني قفلت التطبيقات خالص وقولت ادخل علي الصور و لقيتهم متقسمين فايلات كتير وكلها توايخ فرجعت للصوره بتاعة الواتس وقرأت التاريخ لقيته يوم ٢٥/١٠/٢٠١٨ ورجعت للصور تاني وفتحت لقيت صور وفيديوهات سودا كلها فنزلت تحت لقيت صور موجوده قولت اكيد المشكله من عندي في  الجهاز فتحت اول صوره ( خلفيه بيضاء كلها وهو واقف ومبتسم ابتسامه عربضه جدا ).

فقلبت على اللي بعدها لقيتها نفس المنظر بس في بقعة دم حمراء والابتسامه خفت شويه فقلبت على اللي بعدها لقيت الخلفيه اللي وراه خلفية الصالة عندي فضحكت وقولت دا قاعد معايا بقا وفضلت اقلب في الصور كلها بس في حاجه غريبه دي شقتى طب ازاي.

فقولت احاول افتكر انا كنت فين في اليوم دااا ؟؟!!!!
ايوا افتكرت انا كنت في البلد!! بس ازاى هو اي اللي بيحصل طب انا لو نزلت البلد هو اي اللي جابه عندي واي الدم والكلام دا طب فلنفترض انه فوتوشوب اي اللي جاب شقتى.

اممممممممممممممممممم لا انا لازم افهم ولسة رايح اقلب ف الصور لقيته بعتلي مسچ على الواتس اي دا انا نسيته خالص ففتحت لقيت مكتوب
(ا ف ت ح ا و ل ص و ر ه ) .

جمعت الحروف وفهمت معناها ولسه رايح اطلع على اول صوره وخلاص هفتحها،  استنى هو بيقولى افتح اول صوره معنى كده انه عارف انى بدور عنده طب ازاي دا انا جربتها اكتر من ١٠٠ مره ومحدش حس بيا في حاجه غلط.

فتحت الصوره عشان اطمن ويارتنى مافتحتها ( سريرى وفي جثه علي السرير وهو قاعد جمبها وايده تقريبا داخل البطن ) لا لا في حاجه غلط اي ده ده ده انا، انا اللي نايم دا،  لما عملت زوم اكتر الصوره ابتدت تظهر ولقيت ايده داخله من نحيه كليتي الشمال.

لا لا لا في حاجه غلط قولت ارفع التيشرت وابص على بطني لقيت في مكان خياطه في نفس المكان اللي هو مادد ايده منه بس الخياطه دي مش خياطه دكتور ابدا دي خياطه حمار حتى لو حمار انا اصلا مش عامل عمليات خالص في حياتى هو في اي !!!!.

صوت رنين جرس الباب يقطع مسيرة سكون صعبه جدا انفزعت وقومت اجرى اشوف مين فتحت الباب لقيت واحد لابس لبس ساعى بريد
اؤمر؟!!
-حضرتك الاستاذ احمد
ايوا خير ؟
– في طرد جاي مستعجل لحضرتك
طرد ليا انا ؟ طب من مين !؟
-اييوا يافندم من واحد اسمه مجدى يافندم ..
مجدى!!!!!

انتظرونا في الجزء الثاني…

شاهد أيضاً

ما هي علاقة حليمة بولند بالملياردير الكويتي فواز الحساوي؟

تداول رواد مواقع التواصل الاجتماعي وثيقة رسمية لتوكيل