والد ديانا شريم يرد على سيمون أسمر وابنته تستنكر

والد ديانا شريم يرد على سيمون أسمر وابنته تستنكر

- ‎فيبرامج وتلفزيون, مواضيع هامة
84
2

 

 طرقت بابنا لتحدثنا عن قصتها وتشفي قلبها الذي يحمل غصة من كلام الاستاذ سيمون أسمر، أحبت أن تشرح لنا ما الذي حصل خلف الكواليس، صرخة مدوية أطلقتها هي ووالدها الاستاذ الجامعي جوزيف شريم الذي إستفذه كلام اسمر وعباراته الذي وصفها بالغير مدروسة خبر عاجل” ما كان عليها إلا ان تفتح قلبها لديانا شريم المشتركة في برنامج ستديو الفن عن فئة عرض الازياء ماذا قالت لنا؟ المقابلة نشرت كما هي في العامية كي تصل بإحساس ديانا الحقيقية.

خبرينا ديانا كيف شاركتي ببرنامج ستديو الفن وشو اللي دفعك للمشاركة؟

اول شي انا كتير بحب مهنة عرض الأزياء وكتير بحب التلفزيون والفن في شخص كان مشترك قللي شافولك صورك عالبروفايل وقالوليلي وجهك وجسمك كتير بناسبوا تكوني موديل “رجعوا تناقضو بعدين طلعت اخر شي عضام” شجعني رحت عملت اول كاستينغ انو انا بحب المودلينغ وتقديم البرامج بس قلولي انت بناسبك الموديلينغ لأنو شكلك ومشيتك حلوين ، رحت تاني كاستينغ ومشي الحال قلولي لازم تضعفي 3 كيلو لتكوني مناسبة وتكوني موديلينغ رحت ضعفت 5 .

في ترايننغ  مع أنو انا ضدو .. نحنا كنا عشرين بنت مع بعض ما صار تركيز على كل وحدي انت مرقي وهييك صح وغلط دربتنا عبير أيوب وكانت عم تعطي لكل وحدي ملاحظات ما كان في تدريب لكل وحدي لحالها وهيدا الشي انا ضدو انا مشان اعرف مشيتي يعني كنا عم بمشي وعم حرك ايدي رحت جبت عالم يدربوني هيدا يدربني صح وهيدا غلط اضحك ما اضحك يبينو سناني انا ضعت.

أول مرة هيدي التجربة.

صراحة تعلمت كتيير اشياء … زعلاني بس تعلمت كتير اشياء انو كتير ناس قالولي ما كان لازم تطلعي بهيك فستان وسكربينة .. حتى بيي قللي انت مش طالعة قلي انا زعلت كيف طلعتي بس برافو بتتعلمي لتاني مرة.

رنين لبست سكربينتها الخاصة؟

بدي الك شي مهم أولاً  أنا بحبها كتير لرنين وما عندي شي شخصي ضدها ولا ضد لجنة الحكم هني زركوني انا بقلب الكواليس عم قيسها للسكربينة لقيتا واسعة 38 سألت رنين قلتلي منيحة يللي قلها وانا اجري صغيرة كتير منها كبيرة لقيت السكربينة عم تلولح قلتلن بدي ضبان . حشروني بقلب الكواليس وما بقا قادرة اطلع

ما قصة الفستان ورنين

قبل بأسبوع رحت بدي جيب الفستان عند مسيو فقيه يللي انا بحترمه وبوجهلو تحية مسيو عقل .. كان خيو يللي عم يهتم بالمواضيع وهوي عم يطلّع ..وما بعتقد المشكلة منو لأنو هوي مصمم أزياء وما بيقبل اطلع هيك لأنو انترناشيونال . أول ما فتت عم قيس الفساتين بلاقيها لرنين حاملة فستانين كتير حلوين حاملتن وطالعة فين عم بطلع انو انا بدي فستان حلو جيت عم بطلع بالفساتين لقيت الفساتين كلها .. انا ما بحب اوفر بس ما بلبس خنق ..اول وحدي عليها طوق عرقبتي … تاني وحدي “بردو” وأكبر من عمري وبتعرف انا سمرا …ضليت قيس …اخر شي فرجوني فستان أخضر بالنسبة للفستانين هيدا أحلى..والبردو قلولي خلص هيدا هوي يللي اذا بفرجي لأمي بتقللي انا ما بلبسوا شو مفكرا عمري 60 .

مش لعمري …كان مسيو فقيه عم يقول اوكية وما بدنا اوفر .. المهم قلت انو اجمل شي البوردو والأخضر يللي طلعت فيه … قلتلن اوكي بس بليز بدو تضييق .. قلولي ما تعتلي هم الجمعة يللي بعدا عم شوف الفساتين قلتلي رفيقتي شو هيدا بالمرة .. مش لعمرك وما بيلبقلك … قلتلو لمسيو محمد بتقبل اطلع بهيدا عالتيفي … قللي بليز ممنوع حدا يدخل من برا .. قلتلو انا قاشعة انت بتقبلو ؟؟؟ اعتبر محمد انو رفيقتي عم تأثر عليّ بس هيي ما دخلها بالنهاية انا عندي عيون وقاشعة.فتت عند الخياطة بلاقي رنين حاطينلا فستان عجسمها وعم يتخيط .. انا انصدمت وعصبت ليش عم يهتموا فيها وفيني لأ . حكيت الديموازيل قلتلها انا بنت سمرا وما بيلبقلي هيك فستان اذابتقبلي اطلع في عالتيفي انا ما عندي مشكلة ..اخر شي عطتني الفستان يللي كنت لابستو بأول مرور …قالتلي بس بليز بدي ضبان لأنو انا ما في سيليكون بالدق . بحاجة لضبان .. قلولي ما تعتيلي هم . عم قيس الفستان التاني وما عم بقدر امشي في قلتلن بليز بدو تضييق من فوق قللي مسيو محمد أكيد وما بتوثقي فينا أكييد حزبطلك ياه ..لبستوا صار يوقع الفستان وويبين صدري .. منيح ما كين في حدا قدامي . قلت أوكي عأساس بدو يضيق الفستان الأخضر يللي اساسا ما عاجبني لا هوي ولا التاني بس كانو الأفضل من يللي عطوني اياهن وبعدا جوا رنين عم تقيس فستان على قد مقاييسها لأنو مقاييسها مش مواصفات الموديل.انا بيزبطوا موديل بس بدون من فوق تزبيط … عم بيقيسولها عقدها عقد جسمها .

 

خلف الكواليس

ما بعرف شو صاير ورا الكواليس !! لييش الأهتمام شو صاير ؟؟ المهم

 قالتلي رنين شو بكرا عال1:30 ؟؟؟ قلتلها شو في ؟ قالتلي لنتأكد من الفساتين . المهم تاني نهار عال1:30 دقيت لمسيو فقيه قللي ما عندكن شي والفساتين تمام. هيي وقعت حالها وهيي كانت عندو .

أنا وعم قيس الفساتين عطوني السكربينة انا اجري 37 مش 39 بليز بدي اياه تكون 37 ..قلولي أوكي ما تعتلي هم أكيد ولو .

المهم بعدين انا وعم قيس الفستان لقيتو بدون ضبان قلت أوكي مش مشكلة عم قيس السكربينة لقيتها طلعت أوسع…مش مرتاحة ! سألت زميلتي كنا وراء الكواليس قالتلي أنا كتير منيحة وما كنت قادرة احكي امي وما لحقت جيب سكربينة …لييش هيي بدها تلبس سكربينتها يللي مرتاحة فيها . سألت عن ضبان قلولي ما في . حكيت مسيو محمد طنش … المهم لبست وحطيت خمس محارم تصوروا عارضة أزياء وهيك عاملي . كيف صارت ؟؟؟ وبعدها اجري عم تلولح وما كنت قادرة امشي .

لماذا لم تنسحب

هون النقطة أنا قلت بالرغم من كل شي لازم اطلع عالمسرح وحاول امشي منيح ما كنت عارفي في مؤامرة ضدي وكان كتير عبالي اطلع عالتيفي وكنت مفكرا الموضوع كتير نزيه …وعاللبكي ووجود أهلي ما حلوي انسحب الكل كان ناطرني .

لبست الكلسيت والسكربيني والمحارم وهيي مرتاحة .. هون علّقو عمشيتي … أكيد مشيتي حتكون غلط . أول مرور ملبكة وموترة وأهلي موجودين بدي طلعن مبسوطين .

لكن يولا عقبت على الفساتين؟

أكيد يولا بدها تلوم الفساتين ولو انتبهت عالسكربيني أكيد لامتو عليها .. طلعت بأول فستان مش حاطين ضبان وما كنت قادرة امشي وأنا بعترف مشيت غلط ….فستاني مش من قياسي .

قبل ما اطلع بالفستان قلتلن بليز فيني اطلع بالأخضر بعدين البيج قاموا الله الله مش انت بتقرري …. طلع الفستان التاني في ديفويات وما بدن اياني لاحظ لأنو التاني بلبسوا عالعجلة .

ليش قلولي اضعف وبعدين بقولو ما بدن عضام !!!!

طلعت عالمسرح ، مع كل هالأخطاء أنا أول شي كنت طالعة على المسرح مبسوطة وعندي روح رياضية … لما كنت ورا الكواليس سمعتهن عم يقولو ما بدن عضام ! أول شي قلت بركي ما قصدن أنا … يللي زيد الطين بللي لما قال مسيو فقيه بطلت دارجي البنت الضعيفة .

بدي قول لمسيو فقيه … بدك البنت تملي الفستان جبلي فستان عقياسي وشوف كيف بملي لأنو أنا عندي مفاتن وبيطلع حلو عليي .

أنا مني عضام ! يلبسوني الفستان المناسب …يا ديعان الدايت يللي عملتو ! ياريت نصحت شي 10 كيلو كانو ربحوني .

أنا صدري منشكر الله كتير حلو بلا سيليكون والعالم قلولي !

انا ما عم بتهم رنين عاملي سيليكون ..هوي شي كتيير واضح عالتيفي الكل هيك قللي .. وواضح !

أنا عندي نقطة استفهام !! أنو الكل صارو يحبو البنت الممتلئة كموديل ! مفروض هيي تربح لأنو أنصح وحدي بالمشتركين !

بأول حلقة ليش ربحو البنت الضعيفة ! كان لازم تخسر

طلبت منك مدام عساف ان ترقصي؟

أنا ما بدي ارقص !! ليش بدكن ياني رقاصة بالقوة ! تحترم رأيي …انا بحب الموديل وتقديم البرامج .انا أخدت تلتين وهيي تلت ! أول شي الجمهور بدو اياني …لأنو عارف أنا عندي كل المقاييس مع أنو بعتقد نتيجتي كان لازم تكون أكتر من هيك قد ما وصلني اتصالات من مختلف الدول .

لو طلب منك المشاركة مجدداً هل تشاركين؟

أكيد لا انا مش لعبة كيف ما بدهن بيلعبوا فيها كرماتي ما بتسمحلي ارجع ابدا.

ماذا تردين على الاستاذ سيمون أسمر عندما وصفك بالعظام؟

والدي هو من سيرد وهذا البيان موقع منه.

 

بيان والد المشتركة عن فئة عرض الأزياء ديانا شريم

“ملحمة” عارضات الأزياء

ديانا، فتاة في ربيعها الثالث والعشرين، خريجة كلية الهندسة في الجامعة اليسوعية، بينها وبين الدكتوراه قيد أنملة ، أنيقة، جميلة ، مهذبة، ذنبها ايمانها بما تبقىّ من فن أصيل في هذا البلد. رغبت بأن تظهر هوايتها كعارضة أزياء على الشاشة الصغيرة، وكنت شخصياً ضد هذا الظهور، في مراحل التدريب طلب منها بأن ” تسلخ” عن ” عظامها” بعض الكيلوغرامات، فرضخت وخسرت خمسة منها.

أتت ساعة عرض الحاكم الحكم وحكامه . علمت قبل العرض بأن المصمم ” الفقيه” صمم لمنافستها فستاناً يليق” بلحمها” اما هي فألبست فستانا ” مبهبطاً” علق على جسمها ببعض الدبابيس، ثم انتعلت حذاء قياسه 40 بدل 37 حشته ببعض الكلسات النسائية واوارق المحارم كي لا يفلت من رجلها خلال العرض، فكّرت مليا ً بالانسحاب لكنها غلبت الروح الرياضية والمنافسة الشريفة وتابعت سيرها.

انتخبها الجمور بإعطائها 19 صوتاً بدل 31 قبل ساعة ” الدينونة”

انني اقدر المباراة والروح الرياضية والربح والخسارة وليس في الجمال ربح وخسارة اذ ان الجمال نسبيّ.

احترمت راي كل افراد اللجنة ورضخت لكل ما قيل ولم اسمع اهانة من احد وتقبلت بكل طيبة خاطر حكمهم واختبارهم وعندما تناول الاستاذ الحاكم الكلام ذهلت وصعقت لما سمعت حتى القرف وانهالت عليّ الاتصالات مستنكرة رافضة.

حضرة الاستاذ نزولا عند رغبة المشاهدين الذين انتخبوا لصالح ديانا بـ19 صوتاً من اصل 31 والذين استهجنوا الكلام الذي لا يليق بشخصك الكريم سمحت لنفسي بإنتقادك لتحسين مفرداتك و (اعذرني على تعابيري التي تحاكي تعابيرك صراحة).

ألم يكن بمقدورك ان تنتقد فتاة وصلت الى اعلى درجات الثقفاة بأسلوب مهذب؟ من أين أتيت بهذه المدرية الاسبانية الحديثة التي تفضل العارضات المليئات بالشحم واللحم؟ لقد قرأت الكثير عن مدرستك الاسبانية التي تحذّر الفتيات من النحافة المفرطة، لكنها لم تنتقد بهذه الألفاظ الخشبية. كيف تسمح لنفسك بإستعمال كلمات مستعارة من ” جزار” في ملحمة وتقول انك سئمت من عظام النساء على المسارح وتريدن مدهنات ومليئات باللحم؟ خلتك فارغ البطن وانت تحكم على ابنتي، لم أكن اتصور بأن كلاماً كهذا يصدر من فنان كبير امام آلاف المشاهدين.

شكراَ لك على ارسالك ابنتي التي آمنت ببرنامجك، الى منزلها في آخر الليل خائبة من أوصافك.

فمن أستاذ جامعي في ” الأدب” الى أستاذ تلفزيوني في ” الفنون كلها التي عرفها الانسان”.

لك مني هذه النصيحة : أترك هذه الشاشة كي لا تنتهي مسيرتك الفنية اللامعة بهذا اللسان اللاذع. ألم تسمع بالمثل القائل: هناك كلام يحنن وكلام يجنن؟ أملي ان تكون عباراتك وألفاظك، ان استمريت بمسيرتك التلفزيونية مدروسة وموزونة ومهذبة وملئية بالحنان والاحترام كي لا تجنن ورود لبنان.

جوزيف شريم – أستاذ جامعي

 

 

 

  

‎إضافة تعليق

لن يتم نشر عنوان بريدك الإلكتروني.

شاهد أيضاً

السيد Andre iliovits يفتتح أضخم مشروع سياحي في لبنان The Bridge بحضور شخصيات سياسية، ديبلوماسية واعلامية واجتماعية

 أمس كان لبنان على موعد ٍ هام لافتتاح أكبر