رسالة صادقة الى فؤاد المخزومي ..

رسالة صادقة الى فؤاد المخزومي ..

- ‎فيمتفرقات
285
التعليقات على رسالة صادقة الى فؤاد المخزومي .. مغلقة

إبتسامتك يا فؤاد مخزومي أمل للبنان ، خطاباتك الاجتماعية والخدماتية البعيدة عن السياسة هي المفيدة واللي بتأكد إنك صادق بكل كل كلمة قلتها وعم تقولها ..
عندي شعور كبير إنك الرجل المناسب في المكان المناسب .. ( يا رب ما تخيب املي وأمل كل اللبنانيين وخاصة البيروتيين )
عندي أمل إنو بابك حيبقى مفتوح لخدمة الوطن والمواطن ( يا رب ما تخيب أملي وأمل كل اللبنانيين وخاصة البيروتيين ) وتستغل فرصة وجودك بالسلطة لتعلم كل نصاب وحرامي إنو مال الحرام ، حيتحاسبو عليه يوم الدين ..
آخر خطاب سمعتو من 19 ساعة حرك بداخلي شعور السلام ، خليني أشعر إنو البلد راجع ، بيروت حترجع تنبض من جديد، كل زقفة سمعتها من الشباب الاوفياء قلبي صار يزقف معهن بكل صدق، تعابير وجك وإيديك إنت وعم تحكي بأكدو إنك صادق وحتتحدى كل واحد قال انو خطابتك لمصلحتك فقط وبس توصل على الكرسي حتنسى الناس ، أنا مؤمن وإيماني كبير انو كلشي قلتو حتنفذو وحتحافظ على الوطن اللي يحتضر من سنين (يا رب ما تخيب أملي وأمل كل اللبنانيين وخاصة البيروتيين)
فؤاد المخزومي ، نحنا منعرف انك خدمت المواطن البيروتي وغير بيروتي قبل ما توصل للسلطة ، وكلنا منعرف شو عملت لاهل بيروت وأبناء بيروت ، لهيك نحنا عنا إيمان كبير انو انت منك بحاجي للكرسي لتخدم ، بس مجرد وصولك لمجلس النيابة ، هيدا بخلينا نكون مرتاحين اكتر لانو بتقدر تحاسب ، بتقدر تسكت الكذابين ، بتقدر تفرض سلطك وقوتك من اجل مصلحة الوطن والمواطن ، (يا رب ما تخيب أملي وأمل كل اللبنانيين وخاصة البيروتيين)
فؤاد المخزومي في بقلبي وعقلي حكي كتير ، قد ما حكيت بيبقى الكلام ضعيف ومتواضع أمام إبتسامتك اللي عطتني أمل بعهد جديد ، أنا قصدت أكتب رسالتي الك بالعامية تيكون الحكي طالع من القلب للقلب وبكل مصداقية وبدون تلوين وتبهير وتدجيل ..
أنا شخصياً بحبك ، بحب تفكيرك ، بحب شغفك ، بحب غيرتك على لبنان واللبنانيين ، الله يكون معك ونحنا معك .
بتمنى منك تقبل إني كون متطوع في مكتبك ، دون أي مقابل لكون شاهد على مسيرتك بالمجلس ، وإرفح بكل خطوة عم تخطيها وكل خدمة انسانية ، اجتماعية عم تقوم فيها .

بكل تواضع بعرف عن نفسي بدون اي القاب وصفات
زكريا سامي فحام إبن لبنان الحبيب
ما في داعي حط رقم تلفوني او عنواني
اذا بهمك وبفيدك وبيعنيك تطوعي ، غوغل بيقدر يخدمك ويعرفك عني

الف مبروك إلنا قبل ما نقول مبروك الك ، نحنا إكسبنا انسان خلوق ومحترم ومؤمن بالله وبلبنان .

شاهد أيضاً

خاص: خبر عاجل يكشف عن أهم النشاطات لشركة rooftop .. ويكشف عن مفاجأة من الأردن

خلال تواجدنا في مطار بيروت الدولي ، التقينا