عيد المعلم بنظر الزميل دومنيك أبو حنّا .. وبالفعل أنت معلِّم ومعلَّم بذاكرة الناس

عيد المعلم بنظر الزميل دومنيك أبو حنّا .. وبالفعل أنت معلِّم ومعلَّم بذاكرة الناس

- ‎فيمتفرقات
33
0

أكثر الاحيان ما يلفتك إنتقاد او جملة او كلمة ريما كتبها أحد الناشطين عبر صفحات التواصل الاجتماعي، وبعض الأحيان يكون الكلام عبر هذه الصفحات الاجتماعية لا معنى له ورخيص يستفزك ! نحن كناشطين صحافيين وإعلاميين يتحتم علينا الدخول دائماً والغوص في ما يسمى عالم ” السوشيل ميديا” والتوقف عند بعض الانتقادات والجمل والمواقف المضحكة و المبكية أحياناً، دومنيك أبو حنّا، زميل مجتهد وناشط مميز عبر صفحات التواصل الاجتماعي وخاصة صفحة ” الفيس بوك” يكتب دائماً جملاً نضطر أحياناً لان نتجول بين أسطر أبجديته لنكتشف ما بداخله أو ما المقصود مما كتبه، لكن صدقاً أكثر إنتقاداته تكون واضحة وصريحه ولا تحتاج للغوص في معنى الكلمات وابجدية السطور، وهو يعرف تماماً بأن السهل الممتنع أكثر الناس تحتاج اليه لان معظم العقول في هذا الزمن التكنولوجي أصبحت مقفلة وذهنيتهم تحتاج الى جلد للوعي وإدراك ما يحصل حولهم، إنتقادات دومنيك أحيانا تكون ساخرة قاسية وكلمة ساخرة تأتي هنا بالمعني الايجابي، وأحياناً تكون مبهمة قاسية إحتراماً لمشاعر المتجولين عبر صفحات التواصل الاجتماعي، اليوم هو مناسبة عيد المعلم ولفتنا ما كتبه دومنيك وعلّم في ذهننا، ومفهومه لعيد المعلم يختلف عن مفهوم معظم البشر، وقبل ان ننشر ما كتبه زميلنا دومنيك نقول له كل عام وانت معلم وبالفعل ما تكتبه عِلمْ .. وعلّم .. ومعلم .

ما نشره دومنيك أبو حنّا
اليوم عيد المعلم..
المعلم ما ضروري يكون استاذ المدرسة يللي وقت كبرنا فهمنا انو باكترية الاوقات حب يعلمنا مش كرمال الرسالة بس لأنو هيدا شغلو وبدو مصاري ومش عاجبو معاشو.
المعلم هوي يللي بصماتو بتعلم بحياتنا بطريقة او بأخرى وحتى بدون ما يعرف.
المدرسة مش بناية وصفوف ولوح واساتذة، المدرسة هي الحياة،
والمعلم مش يللي بيلبس عوينات وحامل شهادات وطبشورة ومسطرة.
الحبيب هو معلم، بيعلمك التضحية والوفا واوقات بيعلمك القسوة وانو طعم الدمع مالح.
الزميل هو معلم، بيعلمك انو بالشغل الغيرة بتاكل صاحبها وبتأذي حواليها واوقات بتظلم وبتشوه صورة المنيح.
اللحام هو معلم، بيعلمك انو وقت بدك تشتري شي ولو قطعة لحمة ما تزيح عينك لحظة والا بيغش وبيحطلك دهن.
الميكانسيان هو معلم، بيعلمك كيف في يوهمك انو عم بيزبطلك العطل بالسيارة وهو يمكن يكون عم يتسلى بفك براغي.
الفران هو معلم، بيعلمك انو توثق فيه انو يعطيك شي يعيشك وما يسممك وما عندك مشكلة انو ياكل نصو لانو الثقة غالية.
وأنا معلم، عم بعلمكن بهالكم كلمة فلسفات بالحياة البعض بيعتبرن نكتة بتضحك والبعض بيعتبرن هلوسات.
تحياتي،
دومينيك ابو حنا
10645317_10152606223745218_168981669378765924_n

‎إضافة تعليق

لن يتم نشر عنوان بريدك الإلكتروني.

شاهد أيضاً

بالصور : كاميليا ورد في عيد ميلاد وائل جسّار

لبت النجمة الجزائرية كاميليا ورد دعوة تلقتها من