لحظات صعبة ومرعبة عاشتها راندا البحيري في كواليس تصوير مشهد وفاتها في الأب الروحي2

لحظات صعبة ومرعبة عاشتها راندا البحيري في كواليس تصوير مشهد وفاتها في الأب الروحي2

- ‎فيpages, أخبار الفن

أثارت النجمة راندا البحيري ضجة كبيرة بمشهد وفاتها في الجزء الثاني من مسلسل الأب الروحي.

حيث من المفترض أن تجسد مشهد وفاتها داخل حوض مياة ملئ بسمك الزينة، ويتم فتح الماء عليها.

وشاركت “راندا” محبيها بفيديو من كواليس التصوير، ومرورها بلحظات صعبة في التصوير، وبعد انتهاء المشهد، نادى المخرج تامر حمزه عليها ولكنها لم ترد ليصرخ بعدها على طاقم العمل مطالبًا إياهم بفتح الحوض الزجاجي للإطمئنان عليها والتأكد أنها بخير بسبب شكوكه أن تكون قد توفت أو أغمى عليها.

View this post on Instagram

صباح الفل. و جمعه مباركه عليكم ان شاء الله. ال ١٨ ثانيه دول. من كواليس تصوير مسلسل الأب الروحي. المخرج الأستاذ تامر حمزه قالي أنام في المياه. قفلت عيني ومكنتش سامعه أي حاجه بره علشان صوت المياه اللي بتنزل من فوق كان عالي جدااااا. ده غير ان البوكس الإزار ده مقفول علي من فوق. قفلت عيني علشان ياخدوا الشوط اللي عايزينه. خدوا الشوط اللي عايزينه. بعدها الأستاذ تامر بينادي. فتحي عينك يا راندا. فتحي عينك يا راندا. خلاص يا راندا خلصنا. وانا مبردش. أنا أصلا مش سامعه أي حاجه. الأستاذ تامر أفتكرني موت 😢😢😢😢😢 أو دايخه مثلا جدا. أو ان اي حاجه حصلتلي. و واترعب علي خاف علي خوف قسما بالله مشوفتهوش قبل كده جري و قعد يصرخ. و يزعق في كل الناس علشان يلحقوني وهو شخصيا جري و جاب السلم و اول ما عرف أني صاحيه و شافني قدام عينه بصلي. حط ايده علي وشه و عيط و بعدها فضل دقيقه قاعد علي الأرض بيجمع نفسه من الخضه. علي فكره أنا كان بقالي شويه قبل زمن الفيديو ده مبردش عليهم خالص علشان كده الخضه كانت كبيره. و انت يا استاذ تامر يومها كبرت في نظري اوي اوي اوي. و عرفت اد ايه انت بتخاف علي الممثل بتاعك و بتحبه بجد. ياريت البني آدمين كلهم طيبين زيك. وانا سعدت. و اتشرفت. ان في ال cv بتاعي اتكتب أني اشتغلت معاك. شكرا علي الروح اللي شوفتها في اللوكيشن بتاعك يا استاذ تامر و شكرا علي وقوفك جنبي و دعمك ليا. منساش أبداً اول يوم روحت فيه لوكيشن الأب الروحي وكم التعليقات الجميلة اللي قالها علي أدائي علشان يرفع روحي المعنوية و يحسسني أني مش داخله امثل الجزء الثاني و جديده عليهم. لا. حسسني اكني كنت معاهم من تحضير الجزء الأول. و احتضنوني كلهم. شكرا. و هيوحشني اوي الشغل معاك لحد ما نشتغل مع بعض تاني. ربنا يخليك للفن المصري ✌️. شكرا للإنسان تامر حمزه.

A post shared by Randa Elbehairy (@randaelbehairyofficial) on

شاهد أيضاً

حصريًا.. المطربة الأمريكية “Elise lebec” في حوار خاص لـ خبر عاجل: الهضبة حافظ على هيبة الصوت العربي.. وهذه تفاصيل ألبومي القادم

حوار/ لمياء علي حققت نجاحًا كبيرًا في مجال