شادي فرح في نداء للكنيسة: ولادك جاعوا وماتوا وانطردوا

شادي فرح في نداء للكنيسة: ولادك جاعوا وماتوا وانطردوا

- ‎فيأخبار الفن

اطلق الفنان شادي فرح، صرخةً عالية تجاه الكنيسة عبر الفيسبوك جاء فيها:
“إمنا الكنيسة
ولادِك جاعوا وماتوا وانطردوا من المدارس ومن شغلن والإنتحار صار حقيقة … إنتو كمان عليكن مسؤولية متل السياسيين يلّي للأسف تلات ترباعن فاسدين …
تجّار الهيكل إنتو ما غلط ربنا لمّا سمّاكن هيك …
ليش المدارس بدّا تسكّر ليش جامعاتكن هالقد أقساطا الوضع بطّل يسمح واعتبروا رح تخسروا هالسنة وهالشي مش مظبوط صارلكن عمر عم تربحوا أموال فوق الخيال ومن مين أكتر شي من ولادكن …
في أوادم منكن وفي قدّيسين واضحين وظاهرين من معاملتن مع الناس وتعاطفن معن بس للأسف كتير قلال كتير …

الله يشبّعكن … وما بدنا نفوت بالتفاصيل بأجارات الصالات عالطالع والنازل والأراضي وكتير مداخيل … نحنا ما بدنا كتادرائيات فيها صدى ، بدنا المؤمن المعتّر اللي ما في فوق راسو سقف تكونو سقفو إنتو ولو طعميتوا من فضلاتكن بدّو يعيش المعتّر … تواضعوا …
مش هيك وصّاكن الرب ضروري تكونو إنتو الحلول العادلة تساعدوا الفقرا لنّو شوي وتبلشوا تبيعوا سيارات، أراضي، دهب ، أرقام مميّزة لأن الكنيسة مش من حجار، الناس يلّي من لحم ودم وروح هنّي المداميك الحقيقية والأساس لكل هالبنيان … وتذكّروا شعار “عفّة ،فقر ،طاعة” … الرب بدّو يحاسبكن وما في مهرب منّو …

وبتمنى ما حدا يبلّش يتفصحن ويدافع وخاصةً المقرّبين منّون وعاملين حالن غيارة علين لأن هيدا الحكي بيعبّر عن الأكترية الساكتة يلّي مش سامع أنينا وأوجاعا إلّا ربنا ..

شاهد أيضاً

خاص.. وضاح شاهين يجمع النجوم والمشاهير في افتتاح شركته ليالي

سفيان أحمد بحضور نخبة من نجوم الفن والإعلام