الأخوين بريدي يفتتحون مطعم”قرنفل”… بحضور أهل الصحافة

الأخوين بريدي يفتتحون مطعم”قرنفل”… بحضور أهل الصحافة

- ‎فيأخبار الفن, برامج وتلفزيون
315
0

تشرف الاعلامي وسام بريدي و الممثل عصام بريدي بدعوة الصحافة الكريمة إلى غداء في مطعمهما الجديد قرنفل” الكائن في منطقة انطلياس – ضبيه – خلف سبينيس وذلك نهار الاثنين ١٠ اذار ٢٠١٤ عند الساعة ١:٠٠ ظهراً.

:وهكذا أصبح قرنفل أكثر من زهرة بقلم وسام بريدي

“نعمة بحياتي إنوكان عندي إمّين

إمي الله يطوّل بعمرها وستي.

كانت ستي بركة البيت بطيبتها وحنّيتها وخوفها على عيلتنا،

ومن بعد ما خسرت جدي، عشقت جنينتها وصارت حبها الوحيد.

مع صياح الديك، تسلحب من فرشتها وتنزل تهتم بزرعيتها وتطَعمي دجاجاتها اللي كانوا ينطروها.

زيّنت بيتنا بأحواض مزروعة ورود عطرا بيلاقي الزوّار و بيتأهّل فيهن وبكل زاوية زارعة

“قرنفل” من كل الألوان…

تنادي الصفرا “المكشكشة”، والحمرا  “الغنّوجة “، والبيضا  “النعسانة”…

وايام تقلّي “الغنّوجة تاكية اليوم، جبلي مَي تنسقيا”.

بعيد الأم تقطفلي اللون الزهري وتقلّي قدمو لأمّك عربون حب وتقدير…

الأحمرالفاتح كانت تحملني ياه كل سنة ب 9 آذارتقدْمُو لمعلمتي بعيدها.

لمّا إشكيلا عن حب طفولي عم بيعذبني تقطفلي باقة  “قرنفل” حمرا،

وتجبرني قدمها ليَلّي بحبها : “هودي غنّوجات ستّك رح يخلّوها تدوب”.

نهاراللي تشوفني عم بدرس كل الليل وسهران كرمال قدّم فحوصاتي,لاقي تاني نهارقرنفلة

بيضا محطوطة على كتابي إيمانًا منها إنو بتجيب الحظ وبتوفقني.

مرقت الإيام كبرنا وكبرت معي هالذكريات ودايمًا كنت إسأل حالي عن هالعلاقة اللي كانت

بين ستي وال”قرنفل”…

ومن بعد ما صارعندي وصول للمعلومات، اكتشفت إنوهالمعاني يلّي عطيتها ستّي لقرنفلاتها

موجودة بالعالم كلّو، والعلاقة الحلوة يلي جمعتن كانت بالفطرة، بتِلْحَق قوانين القلب.

وبيبقى “قرنفل” …….” أكترمن زهرة”.

unnamed (1) unnamed (2) unnamed (3) unnamed (4) unnamed (5) unnamed (6) unnamed (7) unnamed (8) unnamed (9) unnamed (10) unnamed (11) unnamed (12) unnamed (13) unnamed (20) unnamed

‎إضافة تعليق

لن يتم نشر عنوان بريدك الإلكتروني.

شاهد أيضاً

جوزيف عطية في خامس حلقات “أنت أونلاين” على شاشة تلفزيون دبي

  دبي 11 ديسمبر 2017: تستضيف الحلقة الخامسة