يا عيب بشوم عليكن .. والله يرحمك يا صباح فهموكي غلط !!

يا عيب بشوم عليكن .. والله يرحمك يا صباح فهموكي غلط !!

- ‎فيأخبار الفن

بصراحة شي بقرف ومقزز اللي صار بوداع الشحرورة صباح .. هي وصت أنو ما نزعل بعد ما تموت ، صحيح انو الموت الحق لكن الفراق صعب، بس مش يعني نرقص وندبك ونجيب بنات مزلطين يهزو طيزهن امام التابوت .. لالالالا ابدا ابدا مش هيك بكون وداع الميت ، ولووووو الموت الو احترامو ، الرسول عليه الصلاة و السلام وقت اللي مات صحيح انو طلب من الصحابة يلبسوا ابيض مش اسود يوم الوداع بس ما طلب منن يجيبو دبكة وأغاني ورقص وهز وفزّ ، وهول الفنانين عشان ما اظلم الكل حقول 99.99% نزلو يعمل “شو اوف ” ، واحد فاقع بوز بالسلفي والتاني شاف صاحبتو تحت وتعبيط وحياتي وحبيبي ، بعد ناقص ينزلو مشاوي واراكيل ، يا عيبشوم عليهن ، هلء تعزيز واحترام الميت بهل طريقة بتكون ؟!! كان نفسي شوف 1% تحت رافعين ايديهن وعم يدعوا لصباح بالمغفرة والرحمة ، عيب اللي صار بوداعك يا صباح عيب، شو بدو يحكي الواحد صدقوني دقلي النجم انور الامير لينزل نصحتو شو بدك بهالشغلي قلتلو بالحرف الواحد بلا ما تنزل وتنحسب عليك انك نازل تعمل “شو اوف” واساسا النزلة لتحت مش زابطة مش راكبي مع الايمان ومع توصيات رب العالمين والانبياء ، اللي صار حرام واكبر حرام عنجد مقهور من قلبي .. وفوق كل هيدا وزيادة المشكل اللي صار كرمال مين بدو يصور قبل او مين بدو ينقل مباشر قبل هههههههههههه شر البلية ما يضحك معقول لهون وصلنا حتى الانسان بعد الموت ما بيرتاح بدهن ياخدو سكووب فوق جثتو … انا كتبت بالعامية لاني عم بنقل اللي بقلبي متل ما هوي اذا كتبت بالفصحة بدي اضطر جمّل الكلام ورمم الاحرف لازم قول الحقيقة متل ما هي والحقيقة ما بتنقال من القلب الا بالمحكية … ما بعرف شو بدي قول اكتر من كلمة عيب عليكن والله يرحمك يا صباح . انت طلبتي ما نحط الا صورك الحلوة وانا أقل شي بقدر اعملو اني حطلك هالصورة الحلوة بكل معانيها وارفع ايدي للسما وصليلك .
10689963_384815058347399_3269076943831392728_n

شاهد أيضاً

سابين تضيء ليل مجد المعوش بإطلالة ساحرة

    أحيت النجمة سابين حفلاً فنياً ضخماً